පියදාස සිරිසේන මහතා 1875 අගෝස්තු 31 වනදා බෙන්තර වලල්ලාවිට කෝරලයේ ඉඳුරුවේ, අතුරු වැල්ලේදී උපත ලැබීය. වරාහේනේ ස්වභාෂා පාසලින් මූලික අධ්‍යාපනය ලත් මොහු බෙන්තර ලන්සි පල්ලිය පාසලින් හා අලුත්ගම බ්‍රෝහියර් මහතාගේ පාසලින්ද වැඩිදුර අධ්‍යාපනය ලැබුවේය.1895 දී කොළඹට පැමිණ පියදාස සිරිසේන මහතා " සිතුමිණ" සඟරාවේ උප කතුවරයා ලෙස පුවත්පත් කලාව ඇරඹුවේය. පසුව " සිංහල ජාතිය" නමින් ඔහුම ආරම්භ කළ සඟරාව සතිපතා පුවත් පතක් බවට පත් විය. එකල මෙම පුවත්පත බෞද්ධ ජනතාවගේ මහත් ප්‍රසාදයට ලක් වූවකි.
1915 දී ඇති වූ සිංහල මුස්ලිම් කෝලහාලයත් සමඟ රට පුරා යුද නීතිය පැනවිණ. ඩී. එස්.සේනානායක, එෆ්. ආර් සේනානායක, සී. ඒ. හේවාවිතාරණ වැනි ජාතික නායකයින් සමඟ පියදාස සිරිසේන මහතාද සිරභාරයට ගැනිණ.සිරගෙයින් නිදහස් වූ පසුව පියදාස සිරිසේන මහතා පෙරටත් වඩා උද්යෝගයෙන් ජාතික මෙහෙවරෙහි යෙදුණේය.
ඔහුගේ නව කතා කලාව ගොඩ නැගුණේද ජාතික හැඟීම් උද්දීපනය කිරීම මුල්කොටගෙනය.
* වාසනාවන්ත විවාහය හෙවත් ජයතිස්ස සහ රොසලින් ( 1906 )
* අපට වෙච්ච දේ
* තරුණිකගේ ප්‍රේමය
* සුචරිතාදර්ශය
* අන්තිම කැමැත්ත
* පසන් නිවස
* මහා වියවුල
* යන්තම් ගැලවුණා
* චින්තා මාණික්‍ය රත්නය
* අත්භූත ආගන්තුකයා
* පරිවර්තනය
* අෂ්ටලෝක ධර්ම චක්‍රය
* ඩිංගිරි මැණිකා හෙවත් වික්‍රමපාලගේ පළමුවැනි වික්‍රමය
* විමලතිස්ස හාමුදුරුවන්ගේ මුදල් පෙට්ටිය
* වලව්වක පලහිලව්ව
* ඉෂ්ට දෙවියා
* මහේෂ්වරී
මොහු විසින් රචිතය.
මෙම නව කතා තුළ සුදන චරිත සහ දුදන චරිත දක්නට ලැබේ. සෑමවිටම සුදන චරිත ජයග්‍රහණය කරන අතර දුදන චරිත පරාජයට පත් වේ.
මුළු ජීවිත කාලයම රට දැය වෙනුවෙන් කැප කළ පියදාස සිරිසේන මහතා 1946 මැයි මස 22 වනදා මිය ගියේය.
0 comments:
Post a Comment