වීදාගම මෛත්‍රී හිමි. / weedagama maithree thero

                   වීදාගම හිමියන් ක්‍රි. ව.1415 - 1467 ත් අතර කෝට්ටේ රාජධානියෙහි විසූ ශ්‍රේෂ්ඨ ගත් කතුවරයෙකි. රාහුල හිමියන්ගේ සමකාලීනයෙකු ලෙස සැළකෙන වීදාගම මෛත්‍රී හිමියන් විසින් ලෝවැඩ සඟරාව

                           හංස සංදේශය
                           කවි ලකුණ
                           බුදු ගුණ අලංකාරය යන ග්‍රන්ථ රචනා කරන ලදී.

                  ප්‍රථමයෙන් වීදාගම මෛත්‍රී හිමි විසින් රචනා කරනු ලැබුයේ " ලෝවැඩ සඟරාව" යි. ඉතා සරල භාෂාවකින් ලියැවී ඇති ලෝවැඩ සඟරාව තුළින් හෙළි වන්නේ බුද්ධ ධර්මයේ හරයයි.

       බුදු බණ අසමින් සිත සත                                පායේ
       කුරු පණ කම් ඇර පිය ඒ                                 පායේ
       පර පණ නැසුවොත් කවර                               උපායේ
       අපමණ දුක් දෙයි සතර                                    අපායේ

                  කෝට්ටේ යුගයේ බිහි වූ සංදේශ කාව්‍ය අතර වීදාගම හිමියන් විසින් ලියූ හංස සංදේශය වැදගත් තැනක් ගනී.එහි එන පරිසර වර්ණනා දෙස බලන විට උන්වහන්සේගේ කවීත්වය මනාව ප්‍රකට වේ.

          පැසෙයි නිබඳ සුවදැල් කෙත් වතු                   අවට
          ඇසෙයි ළමා වසු පැටියන් හඬ                        දුරට
          දිසෙයි වෙහෙර එහි සුර විමනක්                    ලෙසට
          රසෙයි අමා රසමය ඒ පියස                             දුට