රාජකරුණා මහතා 16 වන වියේදී කාව්‍යකරණයට පිවිසියේය. මුල්ම කෘතිය "කවි රස අඳුන" යි. දෙවැන්න " රජ සිරිත් මාලය" නම් විය. ළමා ගී රචකයෙකු වන එතුමා විසින් රචිත ළමා පොත් සියල්ල ප්‍රකාශයට පත් වූයේ චිත්‍ර රූප සහිතවය.
ගුරු වෘත්තියට බැඳුණු එතුමා රන්දොඹේ වේස්ලි විදුහලේ ඉංග්‍රීසි හා සිංහල භාෂාවන් ඉගැන්වීමෙහි යෙදුණේය. පසුව එතුමා වැලිතොට අම්පේ බෞද්ධ මිශ්‍ර පාඨශාලාවේ ප්‍රධානාචාර්ය ධූරය හෙබවීය.
1911 දී ගුරු වෘත්තියෙන් සමු ගත් ආනන්ද රාජකරුණා මහතා පත්‍ර කලාවට යොමු වී " සිංහල බෞද්ධයා" පුවත්පතේ කර්තෘ මණ්ඩලයට බැදුණේය. මෙතුමා "සිංහල ධ්වජය" , "සිංහල සමය" යන පුවත් පත් වලද කර්තෘ පදවිය දැරීය.
මෙතුමාට කාව්‍යකරණය වෙනුවෙන් "ශ්‍රී රූප දේව කවින්දා" යන සම්මානය හිමි විය. 1955 දී පැවිදි බිමට පත් වූ පසු ඔහු ආනන්ද ධම්ම යනුවෙන් හැඳින්විණි.
ආනන්ද ධම්ම හිමියෝ 1957 අගෝස්තු මස අපවත් වූහ.
3 comments:
ගොඩක් හොදයි. බොහොම ප්‍රයෝජනවත්
Hmm
මරු හැබයී 🙂💔
Post a Comment