ඉන්පසු ලංකාවේ සීමාසහිත එක්සත් ප්‍රවෘත්ති පත්‍ර සමාගමට බැඳී 'සිලෝන් ඩේලි නිවුස්' පත්‍රයේත් 'සිළුමිණ' පත්‍රයේත් කර්තෘ මණ්ඩල වල සේවය කළේය. 1981 දී උපාලි පුවත්පත් සමාගම විසින් ආරම්භ කරන ලද 'දිවයින ඉරිදා සංග්‍රහය' කර්තෘ මණ්ඩලයට බැදුණි. පත්‍ර කලා ජීවිතයේදී වඩාත් ප්‍රකට වූයේ තීරු ලිපි රචකයෙකු වශයෙනි. රයිගම් රාළ, භූත රිපෝටර්, ලුනටික්කා, උකුස්සා, රණරාළ, සංගුරා වැනි ආරූඪ නම් වලින් රචිත එකී තීරු ලිපි වලින් අතීත හා අදීන පත්‍ර කලා වේදියෙකු ලෙස ජනාදරයට පාත්‍ර විය.
ග්‍රන්ථ කරණයට ප්‍රවිශ්ඨ වූයේ 1974 දී 'රන් තැටියක කදුළු' නැමති කාව්‍ය සංග්‍රහය පළ කරමිනි. එයට එම වසරේ හොඳම කාව්‍ය සංග්‍රහයට හිමි රාජ්‍ය සාහිත්‍ය සම්මානය හිමි විය. එතැන් සිට පළ කෙරුණු කෘති පෙළ අතර 'නොවඳිමි සිදුහත්' 'දොරමඬලාව' යන කාව්‍ය සංග්‍රහයෝද 'කැනල් පාරේ නිශාචරයෝ' (1986 රාජ්‍ය සාහිත්‍ය සම්මාන), 'කේතුමතී හෝටලයේ රාත්‍රියක්' (1990 රාජ්‍ය සාහිත්‍ය සම්මාන) යන කෙටි කතා සංග්‍රහයෝද පොදු ජනයාගේ මිනිහෙක්, නදී තෙර කුමරිය වැනි පරිවර්තන කෘතීහුද වෙති.
කලුරිය කරන විට 'සිව් දෙස' නැමති වාර ප්‍රකාශනයෙහි සංස්කාරකවරයා ලෙස සේවය කරමින් සිටියේය. 1996 ඔක්තෝබර් මස 07 වැනිදා මහරගමදී කලුරිය කළේය.
6 comments:
good thing for students
godak watinawa.....thank
Thank you.
Great Information.
මගේ 9 ශ්‍රේනියේ සිංහල පඩමකට මේ විස්තරය ගොඩක් ප්‍රයෝජනවත් වුනා.thank you
Thank you for this information
Post a Comment