අධ්‍යාපනය හමාර වීමෙන් පසු ඔහු වෘත්තීය ජීවිතය ඇරඹුවේ සාමාන්‍ය ලිපිකරුවෙකු වශයෙනි. ඉන් අනතුරුව ලේඛකයෙකු, නාට්‍ය රචකයෙකු, නාට්‍ය නිෂ්පාදකයෙකු, චිත්‍රපට තිරනාටක රචකයෙකු නළුවකු වෘත්තීය සමිති නායකයෙකු මෙන්ම ශ්‍රේෂ්ඨ දෙශපාලනඥයෙකුගේද තත්වයට පත්විය.
ටී.බී ඉලංගරත්නයන් ලේඛන කලාව ඇරඹුවේ කවියෙකු හැටියටය. ඔහුගේ නිර්මාණ බොහොමයක තම ජීවිතය ජය ගන්නට දැරූ උත්සහයත් එහිදී තමන් ලද රසවත් හා කටුක අත්දැකීම් සම්භාරයත් විවිධ චරිත ඔස්සේ ඒවා තුළට පිවිස ඇති ආකාරය දැකිය හැකිය.
රාජ්‍ය සේවයෙන් නිදහස් වුණු ඉලංගරත්න මහතා ග්‍රන්ථකරණයෙහි වැඩි වශයෙන් යෙදෙන්නට විය. ඉලංගරත්නයන්ගේ "ඔංචිල්ලාව" නමින් කෙටි කතා සංග්‍රහයක් විය. පසුව "රඟමඩල" "ජාතක නාට්‍ය" හා "හඳහන" නමින් නාට්‍ය කෘති කිහිපයක්ද පළ විය. "විලම්බීත" ඔහුගේ ප්‍රථම නවකතාව විය. මේ කාලයේදීම චාල්ස් ඩික්සන්ගේ "ටේල් ඔෆ් ටු සිටීස්" නැමති සුප්‍රසිද්ධ නවකතාව "දෙනුවර කතාව" නමින් පරිවර්තනය කළ මොහු ලාංකීය පාඨකයන් අතර ඉමහත් ජනප්‍රියත්වයට පත් "අඹ යහළුවෝ" නවකතාවද රචනා කළේය.
ඉලංගරත්නයන්ගේ නවකතා අතුරින් " තිලක හා තිලකා" "මංගලා" හා "ලසඳා" සිනමාවට ලැබුණු කෘතීන් වේ.
1 comments:
a good web site I found so many things for my reaserch thankyou....
Post a Comment